لو انك رئيس جمهوريه

بسم الله الرحمن الرحيم

طبعا بعد احداث الثوره كلنا بنفكر مين هو رئيس مصر القادم .ولكن تخيل لو انت رئيس مصر القادم هتعمل ايه

هتعمل ايه فى 86 مليون مصرى

هتحل ازاى مشاكلهم

ارجو المشاركه

انا بنت مش هاعرف ابقا رئيس بس عن نفسى انا هاخد قدوتى امير المومنين كان امير وبينام تحت الشجر وبيجوع بالايام
وكما قيل عنه ,حكمت فعدلت فامنت فنمت ياعمر,

حاجه جميله اوى انك تاخدى قدوه ليكى
لكن تفتكرى الكلام ده ممكن يطبق دلوقت .. انا اؤمن بشدة ان كل عصر وليه طريقة حكمه

احنا عندنا مجالات كتيره غير زمان عايزه تشغيل مخ عايزه مجهود كتير .. ا

يا ترى بقى لو حكمتى عقلك دلوقتى تفتكرى ايه الخدمات الى تقدرى تقدميها والخطط الى هتساعدك على تقديم الخدمات دى
وايه افكارك لتطوير دوله انتى رئيستها...وهتنميها ازاى

عايزه الكل يشارك ويقول رايه

هو صح كل عصر وليه طريقه حكمه لكن الدين والعدل والرحمه والشفقه والصفح والكرم
كل الصفات دى مش بتتغير مع مرور الزمن ولو كان عمر بن الخطاب هنا كان هيحكم بنفس الطريقه
لو كلامك عن هاقدم ايه للشعب
اولا انا كنت من الشعب وهاعرف هو محتاج ايه
يعنى الامان وحريه التعبير وحقهم فى البلد
فى الغاز وفلوس السياحه وقناه السويس
ومناجم الدهب والفلوس دى تقعد الناس من الشغل وتخليهم حاطين رجل على رجل
ثانيا اى فلوس من حق الدوله يبقى للدوله مش هاجبيها وحطها فى جيبى
وكمان اثتسمرها وابنى مستشفيات ومدارس ومصانع من ناحيه تفيد البلد
والتانيه تاخد شباب عطلانين
دى من ناحيه الماديات
النقطه اتانيه هحاول بقدر الامكان انى ابعد اسرائيل عننا
وعدم انتشار الفتنه الطائفيه
واهم مشكله بتواجها مصر النظافه
هاعمل اعلانات وحط فى كل سنتى فى مصر سلات علشان الناس ميبقاش لها حجه النظافه ونعلم النظافه للاطفال
فى المدرسه من الصغر حتى يكبروا عليها
ومن ناحيه التعليم
ان الاطفال من صغرهم يدربوا وينموا موهبتهم واكيد فى المدرسه كل الادوات الى هما محتاجينها
وممنوع الضرب اى مدرس يجى من الطفل عنه شكوى يطرد
وصراحه انا نفسى يخلو الاطفال ميذاكروش انجليزى
علشان مياصرش عليهم واثبت علميا كمان
ان اى لغه غير لغه الطفل الاصليه بتاثر عليه
وامريكا وبلاد اروبا كلها ماشيين على النظام دا
معرفش احنا العرب بنعمل الى بيضرنا
وبنقلد الامريكان تقليد اعمى
واخر خططى انى اخلى الامريكان
هما الى عايزين يقلدونا
من ذكائنا وقوتنا واتحدنا
وجمالنا المليان بدين الله الى منور قلوب المسلمين
علشان يعرف بس هو بيلعب مع مين

عظيم
احلى حاجه عجبتى انم هتلغى تعليم الانجليزى

يعنى حلو انفع اكون رئيسه

ااااااااااه .. بس سفرينى بره قبل ما تعملى الحكايه دى انا مش مستغنيه عن نفسى

» صفحة رئيس الوزراء على فيس بوك
» أول حوار مع رئيس الوزراء الجديد قبل ساعات من تعيينه
» فاجأة:رئيس تسويق جوجل المختفي في القاهرة منذ الخميس هو أدمن جروب كلنا خالد سعيد