خليه يمسكها يافوزيه

فواد المهندس كان بيقول فى المسرحيه خليه يمسكها يا فوزيه اتارى طلع العيب مش فى فوزيه
تعالوا نشوف العيب فى مين


وهما أصدقاء لسة
"أنت ليه مش بتمسك إيدي وإحنا ماشيين في الشارع؟"
"لأ بلاش...افرضي حد من قرايبك شافنا؟ والا حد من أصحاب أخوكي في الكلية؟ إن
شاء الله يا حبيبتي بكره نتخطب وامسك إيديكي ادام الدنيا كلها".

.................................


وهما مخطوبين بأة
"أنت ليه مش بتمسك إيدي وإحنا ماشيين في الشارع؟"
"علشان مش عاوز حد يفتكر إننا علشان اتخطبنا هنصيع بقى ونعيش حياتنا...وبعدين
بصراحة كده أنا مستحرم...إن شاء الله بكره نتجوز وامسك إيدك وإنتي مراتي
حبيبتي في الحلال".

.................................


متزوجين
"أنت ليه مش بتمسك إيدي وإحنا ماشيين في الشارع؟"
"يا حبيبتي إحنا مش مراهقين بقى هنمسك إيد بعض في الشارع وكده...إحنا اتنين
متجوزين ومحترمين وعندنا بيت نعمل فيه اللي عاوزين نعمله".

.................................


كدة متجوزين ومعاهم أطفال
أنت ليه مش بتمسك إيدي وإحنا ماشيين في الشارع؟"
"يعني امسك إيدك والا امسك إيد البنت والا اشيل الأكياس دي كلها؟!"

.................................


متجوزين بقالهم 25 سنة (تأبيدة يعنى)
"أنت ليه مش بتمسك إيدي وإحنا ماشيين في الشارع؟"
"إيدك إيه بس اللي هامسكها دلوقتي! إنتي عاوزه جوز بنتك يقول علينا كبرنا
وخرفنا؟!"

إمسك إيديها وخلّصنا يا عم

ههههههههههههههههههههههههههههههههههههههههه
ده عاملها حجة

شكها عندها مرض معدي ومش عايز يقولها
ههههههههههههههههههههههه

ههههههههههههه
يمكن برده

مرسى يا من للمرور الجميل
مرسى يا ايمى للمرور العطر

ههههههههههههههههه حلوه