حماة مني تجيب الضغط والسكر والمراره

السلام عليكم
ازيكوا

نخش فى الموضوع

بعد عزومه رمضان
دخلت منى تغسل المواعين عند حماتها
ولما خلصتها دخلت عليها حماتها
منى :شفتى يا طنط خليتلك المطبخ يلمع
حماتها:قصدك انى مش نضيفه
منى:والله ابدا يا طنط ده انا حتى ماتعبتش فى التنضيف اوى
حماتها:عشان زمتك مخرومه
منى:ليه يا طنط طب طلعيلى كده حته مش نضيفه
حماتها جابت كرسى ووقفت عليه وشاورتلها على الحيطه فوق التلاجه
حماتها:شايفه التراب
منى(نعم انتى عايزانى كمان انضف هنا): اصلى قصيره مش بطول
حماتها:خلاص اجوز ابنى لوحده طويله
منى(ابنك اصلا اوزعه):عايزانى اساعدك فى حاجه تانى ياطنط
حماتها :لا مش عايزة اوسخ الشقه
منى :طيب يا طنط لما تحبى توسخى الشقه تبقى تندهيلى
حماتها : انتى بتتمالسى عليا
اهئ اهئ اهئ
الحقنى يا احمد مراتك بتتريق عليا
ليه كده يا ربى ماليش بخت فى جوازات عيالى
خدنى يا رب
منى(ترتاحى وتريحى): اهدى يا طنط اهدى مش كده
احمد : فيه ايه يا ماما
حماتها : مراتك بتذلنى عشان غسلت كوبايتين
منى(كوبايتين يا مفتريه ده ماكنش فيه ولا طبق فى المطبقيه): والله ابدا يا احمد ديه هى الى دايما تفهمنى غلط
حماتها: شفت يا احمد بتقول عليا مابفهمش
اهئ اهئ اهئ
احمد : روحى صالحيها يالا
منى : خلاص يا طنط انتى ست كبيرة مش حلو العياط علشانك
حماتها : شفت يا احمد بتقول عليا كبرت وخرفت
اهئ اهئ اهئ اهئ
منى (انا جيت جمبك يا وليه انتى):كبرتى ايه يا طنط ما انتى مزة اهه
حماتها: شوف الفاظها يا احمد انتى لا يمكن تكونى ام احفادى
منى(يختى اتنيلى ابنك اصلا مابيخلفش):انتى عارفه ان احنا مش هينفع نخلف
حماتها: شفت يا احمد بتعايرك يا حبيب امك اهئ اهئ اهئ اهئ
الناقصه قليله الربايه
اشحال كنت مستتها ومهنيها
فى الاخر بتعايرك
منى(ياشيخه اتنيلى ابنك مفلس اصلا)
احمد :ايه الى انتى قلتيه ده
منى (صدقت امك ): والله ما قلتش حاجه ماانا صابرة معاك على المرة اهه
حماتها : لسه بتعايرك يا احمد
يا عينى على حظك يا بنى
اهئ اهئ اهئ
احمد اتنرفز : طب روحى يا منى
وانتى .........
منى : من غير ولا كلمه
يا خويا اتنيل
امك تفقع
وانت اوزعه ومفلس ومبتخلفش
انا ايه الى باقينى على العيله الزباله ديه
احمد : كده يا منى طب روحى وانتى طالق بالتلاته
منى :روح انت وانا خالعه

لو كنتى مكان منى كنتى عملتى ايه..

ههههههههههههههههههههه
انا كان زمانى قتلته وقتلت امه وولعت فى نفسى هههههههههههههههههه
موضوع حلو اوى يا سوسو

ههههههههههههههبعد الشر عليكى يا قمر

هههههههههههههههه

انا كان زمانى قطعتلها لسانها علشان متتكلمش
ههههههههههههههههههههه

wessam كتب:

ههههههههههههههبعد الشر عليكى يا قمر

ميرسى يا حبيبتى ربنا يخليكى ليا يا رب

ويخليكى يا جميل

ههههههههههههههههه
شكرا على المرور

العفو