قصة الجوهرة

[ندعوك للتسجيل في المنتدى أو التعريف بنفسك لمعاينة هذه الصورة]

قصة الجوهرة
**********
(((عم إبراهيم شخص عادى جداً ,
بسيط جداً ,
على قد حاله فى مرة وهو راجع بليل من شغله اتكعبل فى حاجة
المهم ااتعصب وبكل غيظ أخد الحجر الى كعبله عشان يرميه بعيد ولكن دة مش حجر دة زى مايكون جوهرة
آه فعلا ..مبقاش مصدق نفسه هو بجد لقى جوهرة!
المهم روَّح وهو بيمنِّى نفسه بالفلوس الكثير والبيت الجميل اللى هيحصل عليه بعد ما يبيع الجوهرة
وتانى يوم صحى وقال يبدأ يلف على المحلات عشان يبيعها

دخل أول محل السلام عليكم معايا جوهرة وعايز ابيعها ..
نظر صاحب المحل لعم إبراهيم ومظهره المتواضع ونظر الى الجوهرة وقال له : آسف دى مش جوهرة دى إزازة

اتعصب عم إبراهيم وقال له حرام عليك عشان أنا راجل غلبان عايز تاخد الجوهرة على إنها زجاج وسابه وراح لغيره

المهم اتكرر الموقف مع أكثر من صاحب محل وعم إبراهيم
كلهم يبصوا لهيئته ويبصوا للجوهرة ويجاوبوا بردود متشابهة

المهم كان فى واحد صاحب محل مشهور بالصلاح فذهب له عم إبراهيم وكله أمل وقال له :أنا لفِّيت كثير وكلهم عايزين يفهِّمونى إنها زجاج عشان محدش مصدق إن ممكن واحد زيى يبقى معاه جوهرة غالية وأنا جيت لك وعارف إنك رجل صالح وإنت أكيد مش هتقول زيُّهم ...المهم شاف صاحب المحل الجوهرة وقال لعم إبراهيم إنه مش هيقدر يشتريها والجواهر اللى بالحجم دة غالية جداً وفى أمير هييجى آخر السنة هو اللى ممكن يشتريها
وعقبال ما ييجى دخَّل الجوهره فى الخزنه واقفل عليها وخللى المفتاح معاك واشتغل معانا وهدِّيك مرتب كويس.


وفعلا بدأ يشتغل ويتعلم معاهم ويفهم فى الشغل وقبل ميعاد وصول الأمير فكَّر يفتح الخزنة يشوف الجوهرة ولكن آه الجوهرة موجودة وآه هى هى متغيرتش لكن دلوقتى بقى عنده خبرة الجوهرة مش أصليه!!! دى إزاز!!!!!

صاحب المحل قاله أنا لقيتك مش مصدق كل الناس فقلت لو إتعلِّمت هتصدق بنفسك وعامة ً أديك إتعلمت صنعة ومتزعلش))))

◕◕◕◕◕◕◕◕◕◕◕◕◕◕◕◕◕◕◕◕◕
انتهت القصة ويبقى المعنى
◕◕◕◕◕◕◕◕◕◕◕◕◕◕◕◕◕◕◕◕◕


تعالوا نفكر كدة شوية
هو إيه اللى حصل؟؟
هو إفتكر إنه معاه حاجة غالية لإنه ماعندوش خبرة لكن بعد شوية لما اتعامل مع ناس خبرة وبقى هو كمان خبرة
اكتشف الحقيقة



طب وأحنا؟؟؟؟؟؟؟؟؟؟؟؟

آه كل واحد شايف إنه كويس وإن أهى ماشية وإن علاقته بربنا معقولة آه بَذنِب بس ربنا غفور رحيم وبعدين ما تعقَّدهاش ساعة لربك وساعة لقلبك و....

طيب أنت بتقول كدة عشان معندكش خبرة
آه صحيح ما إنت بتقارن نفسك باللى أسوأ منك
لا قارن نفسك بعباد حقيقيين
بناس بتحب ربنا بجد ...بيعبوده بجد

ايه رأيك تقعد مع ناس خبرة فى العبادة

إعتكف في رمضان ..حاول تكون فى المسجد على قد ما تقدر
إسمع دروس ..شوف اللى بيدعوا ..واللى بيبكوا...واللى بيقيموا الليل كله.....واللى بيختموا القرآن كذا مرة
إعمل زيهم
إتعلم وإفهم وقرَّب وإدعى

وأكيد بعد كده إنت اللى هتحكم على حياتك وهتعرف إن كانت جوهرة ولا إزازة

◕◕◕◕◕◕◕◕
sama
◕◕◕◕◕◕◕◕

منقول للفائدة

فعلا يا سماء
شكرا على الموضوع الجميل

عفواااااااااا يا جميل

تسلم ايدك يا سما القصه هايله

merciiiiiiiiiii ya 2mr

ميرسي سماء جميله

جميل يا سما

عفواااااااااا يا شيماء

انتى اجمل يا سوسو

ميرسى

عفوااااااااااا يا سوسو

جمممممممممممييييييللللللللل ججججججددددداااا

انتى اجمل يا شيماء